jamuna: 'మూగమనసులు'లో నేను వేసిన 'గౌరి' పాత్రను తాను చేస్తానంటూ సావిత్రి పట్టుబట్టిందట!: జమున

జమున చేసిన ఆణిముత్యాల్లాంటి సినిమాల్లో 'మూగమనసులు' ఒకటైతే, ఆమె కెరియర్లో ఎప్పటికీ గుర్తుండిపోయే పాత్ర 'గౌరి'. ఈ సినిమాకి సంబంధించిన విషయాలను ఆమె తెలుగు పాప్యులర్ టీవీతో పంచుకున్నారు.

" 'మూగమనసులు' కథ పూర్తయిన తరువాత నాగేశ్వరరావును .. సావిత్రిని తీసుకున్నారు. వాళ్లిద్దరితో ఆదుర్తి సుబ్బారావు డిస్కస్ చేశారు. అప్పుడు సావిత్రి .. "నాకు అనుకున్న పాత్రను జమునకు ఇవ్వండి .. ఆ ఏడుపు పాత్ర నేను చేయను. గౌరి వేషం నాకు ఇవ్వండి .. చేస్తాను" అని ఒకటే గోల పెట్టిందట. "నువ్ లంగా వేసుకుని గెంతులు వేస్తే బాగుండదు" అని నాగేశ్వరరావు అన్నారట. అయినా సరే ఆ వేషం నేనే వేస్తానని ఆమె పట్టుబట్టినట్టు నాకు తరువాత తెలిసింది" అని చెప్పారు జమున. "సత్యభామ పాత్రకంటే ఎక్కువగా గౌరి పాత్రకి కష్టపడ్డాను. గోదావరి ఇసుక తెన్నెలపై ఎండల్లో డాన్సులు చేయడం వలన కాళ్లు బొబ్బలెక్కాయి కూడా" అని చెప్పుకొచ్చారు.