ramdev baba: రాందేవ్ బాబాతో టీఆర్ఎస్ ఎంపీ కవిత భేటీ

ప్రముఖ యోగా గురు రాందేవ్ బాబా, పతంజలి ఉత్పత్తుల సంస్థ సీఈవో బాలకృష్ణతో నిజామాబాద్ టీఆర్ఎస్ ఎంపీ కల్వకుంట్ల కవిత ఢిల్లీలో భేటీ అయ్యారు. ఈ సందర్భంగా నిజామాబాద్ జిల్లా లక్కంపల్లి ఫుడ్ ప్రాసెసింగ్ యూనిట్ లో పతంజలి ఉత్పత్తుల కేంద్రం ఏర్పాటుపై వీరి మధ్య చర్చ జరిగింది.

ఈ భేటీకి ఎమ్మెల్యే జీవన్ రెడ్డితోపాటు, నందిపేట్ మండలానికి చెందిన పలువురు ప్రజాప్రతినిధులు కూడా హాజరయ్యారు. మరోవైపు, వ్యాపార విస్తరణలో భాగంగా పతంజలి సంస్థ దేశంలోని పలు ప్రాంతాల్లో తమ ఉత్పాదక కేంద్రాలను నెలకొల్పుతోంది. ఏపీలో కూడా ఒక కేంద్రాన్ని ప్రారంభించబోతోంది.