rajanikanth: '2.0' టీజర్ .. ట్రైలర్ రిలీజ్ వాయిదా!

ఒక వైపున రజనీ అభిమానులు .. మరో వైపున అక్షయ్ ఫ్యాన్స్ '2.0' సినిమా కోసం ఆసక్తిగా .. ఆత్రుతగా ఎదురుచూస్తున్నారు. ఈ సినిమా ఆడియో వేడుకను ఇటీవలే 'దుబాయ్' లో గ్రాండ్ గా నిర్వహించారు. ఈ సినిమా టీజర్ ను హైదరాబాద్ లోను .. ట్రైలర్ ను చెన్నై లోను విడుదల చేయనున్నట్టు చెప్పారు.

 ఈ సినిమా టీమ్ చెప్పిన ప్రకారం ఈ నెల 22వ తేదీన హైదరాబాద్ లో టీజర్ రిలీజ్ చేయవలసి వుంది. కానీ ఆ కార్యక్రమాన్ని వాయిదా వేసుకున్నట్టు తెలుస్తోంది. ఇక రజనీకాంత్ పుట్టినరోజు సందర్భాన్ని పురస్కరించుకుని, డిసెంబర్ 12వ తేదీన ట్రైలర్ ను రిలీజ్ చేయనున్నట్టు చెప్పారు. కానీ ఆ నిర్ణయాన్ని కూడా మార్చుకున్నారనే టాక్ వినిపిస్తోంది. గ్రాఫిక్స్ వర్క్ పూర్తికాకపోవడం వలన, ముందుగా చెప్పినట్టుగా జనవరి 25న సినిమాను విడుదల చేయలేకపోవచ్చట. అందువల్లనే టీజర్ రిలీజ్ ను .. ట్రైలర్ రిలీజ్ ను వాయిదా వేసుకున్నట్టుగా తెలుస్తోంది.