barcelona: బార్సిలోనాలో ప్రతిధ్వనిస్తున్న హిందూ మంత్రం... ప్రపంచవ్యాప్తంగా కోట్లాది మంది లైక్ చేసిన వీడియో ఇది!

అది బార్సిలోనా లోని మెట్రో రైల్వే స్టేషన్. అక్కడ ఒక ప్లాట్ ఫామ్ నుంచి మరో ప్లాట్ ఫామ్ పైకి వెళ్లడానికి అండర్ గ్రౌండ్ పాస్ ఉంది. ఆ దారిలో సాయంత్రం వెళ్లే వారు ఎవరైనా హిందువులు పరమ పవిత్రంగా భావించే గాయత్రీ మంత్రాన్ని వినవచ్చు. స్పెయిన్ లో ప్రస్తుతం స్వాతంత్ర్యం కోసం నినదిస్తున్న కాటలోనియా ప్రాంతంలో ఉన్న అతిపెద్ద నగరం బార్సిలోనియా.

ఓ 50 ఏళ్ల వృద్ధురాలు ఇక్కడి అండర్ గ్రౌండ్ పాస్ లో కూర్చుని, చిన్న మైక్ పెట్టుకుని "ఓం... " అంటూ గాయత్రీ మంత్రాన్ని లయబద్ధంగా ఆలపిస్తుంటారు. ఆవైపు వచ్చే భారతీయులకు ఆమె సవినయంగా నమస్కరిస్తుంటారు. ఇటుగా వచ్చిపోయే వాళ్లు సైతం గాయత్రీ మంత్రాన్ని ఆమెతో పాటు ఆలపిస్తూ వెళుతుంటారు. ఈ వీడియోను ఇటీవల సామాజిక మాధ్యమాల్లో పెట్టగా, కోట్లాది మంది దీన్ని చూసి ఇష్టపడ్డట్టు ప్రకటించారు. ఆ వీడియోను మీరూ చూడవచ్చు.