mohan lal: వైర‌ల్ వీడియో: `జిమ్మిక్కీ క‌మ్మాల్` పాట‌కు మోహ‌న్‌లాల్ స్టెప్పులు
- `జిమ్మిక్కీ క‌మ్మాల్` పాట సూపర్ హిట్
- డ్యాన్స్ వీడియోను పోస్ట్ చేసిన హీరో
- విప‌రీతంగా షేర్లు, లైకులు చేస్తున్న అభిమానులు
మ‌ల‌యాళ న‌టుడు మోహ‌న్‌లాల్ న‌టించిన `వెలిపాడిందే పుస్త‌గం` చిత్రంలోని `జిమ్మిక్కీ క‌మ్మాల్` పాట ట్రెండ్‌గా మారుతున్న సంగ‌తి తెలిసిందే. ప్ర‌తి ఒక్క‌రూ ఈ పాట‌కు స్టెప్పులేసి వీడియోల‌ను సోష‌ల్ మీడియాలో పోస్ట్ చేస్తున్నారు. వారిలో కొంత‌మంది అభిమానులు హీరో మోహ‌న్‌లాల్‌ని కూడా ఈ పాట‌కు డ్యాన్స్ వేయాల‌ని కోరారు.
నిజానికి ఈ సినిమాలో హీరో ఆయ‌నే అయిన‌ప్ప‌టికీ ఈ పాట‌లో ఆయ‌న డ్యాన్స్ చేస్తూ క‌నిపించ‌రు. పాట చివ‌ర్లో మాత్రం సైకిల్ న‌డుపుతూ క‌నిపిస్తారు. అందుకే అభిమానులు ఆయ‌న్ని ఛాలెంజ్ చేశారు. ఆ ఛాలెంజ్‌కు స‌మాధానం చెబుతూ మోహ‌న్‌లాల్ పాట‌కు స్టెప్పులేసి వీడియోను త‌న ఫేస్‌బుక్ అకౌంట్లో పోస్ట్ చేశారు. ప్ర‌స్తుతం ఈ వీడియో వైర‌ల్‌గా మారింది. పోస్ట్ చేసిన 19 గంటల్లోనే ల‌క్షా డెబ్బై వేల‌కు పైగా లైకులు, 90 వేల‌కు పైగా షేర్లు, 50 ల‌క్ష‌ల‌కు పైగా వీక్ష‌ణ‌ల‌ను సంపాదించుకుంది.
