vijay devarakonda: 'అర్జున్ రెడ్డి' రీమేక్ లో చేయడానికి తమిళ హీరోల పోటీ!
ఇప్పుడు కుర్రకారంతా కూడా 'అర్జున్ రెడ్డి' సినిమాను గురించే మాట్లాడుకుంటున్నారు. అంతగా ఈ సినిమా వాళ్లను ప్రభావితం చేస్తోంది. విడుదలైన ప్రతిచోటా ఈ సినిమా విజయ విహారాన్ని కొనసాగిస్తోంది. భారీ వసూళ్లను రాబడుతూ కొత్త రికార్డులను క్రియేట్ చేస్తూ దూసుకుపోతోంది. దాంతో తమిళ యువ హీరోలు ఈ సినిమాపై దృష్టి పెట్టినట్టుగా తెలుస్తోంది.
తమిళంలో ఈ సినిమా రీమేక్ హక్కుల కోసం అక్కడి నిర్మాతలు గట్టి ప్రయత్నాలు చేస్తుంటే, తమిళ యువ హీరోలు ఆ రీమేక్ లో తాము చేస్తామంటూ ఎవరికి వారు పోటీ పడుతున్నారట. తెలుగులో ఈ సినిమా విజయ్ దేవరకొండకి ఎంతటి క్రేజ్ ను తెచ్చిందనేది తెలిసిందే. అదే స్థాయి క్రేజ్ ను సొంతం చేసుకోవడానికి తమిళ యువ హీరోలు ఉత్సాహాన్ని చూపుతున్నారట. మరి ఈ రీమేక్ ఛాన్స్ ఎవరిని వెతుక్కుంటూ వెళుతుందో చూడాలి.
