: అభిమానిపై 'బేవకూఫ్' అంటూ మండిపడ్డ జయాబచ్చన్!
బాలీవుడ్ మెగాస్టార్ అమితాబ్ బచ్చన్ సతీమణి జయాబచ్చన్ తన దుందుడుకు స్వభావంతో తరచుగా వార్తల్లో నిలవడం సాధారణ విషయమే. తాజాగా ఆమె మరోసారి నోరు జారారు. ముంబైలోని మహా గణపతిని దర్శించుకునేందుకు ఆమె ఓ ఆలయానికి వచ్చారు. ఈ సందర్భంగా ఆమెతో సెల్ఫీ దిగేందుకు ఓ అభిమాని యత్నించాడు. దీంతో, ఇబ్బందికి గురైన జయ... కొన్ని క్షణాలపాటు అతనిపై కోపంగా చూశారు. ఆ తర్వాత 'అలా చేయకు.. బేవకూఫ్ (బుద్ధి తక్కువ వాడు)' అంటూ ఘాటుగా మందలించారు. గతంలో కూడా ఒక ఆలయంలో జయ ఇదే విధంగా ప్రవర్తించారు. అప్పుడు ఆమెతో సెల్ఫీ దిగేందుకు ఓ పూజారి ప్రయత్నించాడు. దీంతో జయ, 'సెల్ఫీ కాదు... పూజపై దృష్టి పెట్టండి' అని చెప్పారు.
