Ram: రామ్ చిత్రానికి టైటిల్ ఖరారు?

ఎనర్జిటిక్ హీరో రామ్ నటిస్తున్న తాజా చిత్రానికి 'ఉన్నది ఒకటే జిందగీ' అనే టైటిల్ని ఖరారు చేసే యోచనలో వున్నారు. కిషోర్ తిరుమల దర్శకత్వంలో రామ్ నటిస్తున్న తాజా చిత్రానికి ఈ టైటిల్ని పరిశీలిస్తున్నారు. దాదాపు ఇదే ఖరారు కావచ్చని అంటున్నారు. ఇప్పటికే సగం షూటింగ్ పూర్తయిన ఈ చిత్రం తదుపరి షెడ్యూలు షూటింగ్ ఊటీలో నిర్వహించడానికి ప్లాన్ చేస్తున్నారు. వచ్చే నెల 6 నుంచి ఊటీలో జరిగే ఈ షెడ్యూలులో కొన్ని సన్నివేశాలను, పాటలను చిత్రీకరించనున్నారు. రామ్ పెదనాన్న స్రవంతీ రవికిషోర్ నిర్మిస్తున్న ఈ చిత్రంలో అనుపమ పరమేశ్వరన్, మేఘా ఆకాశ్ హీరోయిన్లుగా నటిస్తున్నారు.