snake: కారులో యువతి.. ఆమె ముందు పాము.. ఆమెతో పాటే ప్రయాణించింది!
ఆస్ట్రేలియాలోని అడిలైడ్‌ నుంచి కారులో ముండూ ఐలాండ్‌ స్టేషన్‌కు బయలుదేరిన శాలీ గ్రండీ అనే మహిళ ముందు ఒక్క‌సారిగా పాము ద‌ర్శ‌న‌మిచ్చింది. కారు ఇంజిన్‌ లోంచి మెల్ల‌గా వచ్చిన ఓ నల్లటి పామును అతి దగ్గరగా చూసిన ఆమె ఒక్క‌సారిగా వ‌ణికిపోయింది. కారు ముందు అద్దం లోంచి ఆ పాము ఆమెనే చూస్తూ ఉండిపోయింది. ఆ స‌మ‌యంలో ఆ మహిళ ఒంటరిగా గంటకు 100 కిలోమీటర్ల వేగంతో కారులో ప్రయాణిస్తోంది. ఊహించ‌ని ఘ‌ట‌న‌తో ఏం చేయాలో తోచ‌ని ఆమె దానినలా చూస్తూనే మరో గంట సేపు ఆ కారుని అలాగే ముందుకు నడిపింది.
ఇంతలో ఆ మహిళకు దారిలో ఓ పొలం క‌నిపించింది. ఆ పొలంలోకి ఆ పాము వెళ్లిపోతుందేమోన‌ని కొద్ది సేపు కారుని ఆపింది. అయితే, ఆ పాము ఆ కారుదిగి వెళ్ల‌లేదు. దీంతో ఆ పాముతోనే త‌న గమ్యానికి చేరుకుంది. ఆ రోజు ఉదయం వరకు ఆ పాము ఆమె కారులోనే ఉంది. ఆ పాము త‌న ఇంజనులో ఉన్న‌ప్పుడు తీసిన ఓ ఫొటోతో పాటు తాను తీసిన ఓ వీడియోను స‌ద‌రు మహిళ సోష‌ల్ మీడియాలో పోస్ట్ చేసింది.
