దుర్గాదేవి నామాన్ని స్మరిస్తే చాలు

దుష్ట శిక్షణ .. శిష్ట రక్షణ చేయడానికి ఆది పరాశక్తియే దుర్గాదేవిగా ఆవిర్భవించింది. పగటి వేళలో సూర్య నేత్రంతోను .. సంధ్యా సమయంలో అగ్ని నేత్రంతోను .. రాత్రి సమయంలో చంద్ర నేత్రంతోను ఆ తల్లి లోకాలను దర్శిస్తూ ఉంటుంది. ఆ మహా శక్తి స్వరూపిణి అధీనంలోనే ప్రకృతి శక్తులన్నీ నడుస్తుంటాయి. సమస్త దేవతా స్వరూపమైన దుర్గాదేవిని దేవతలు .. మహర్షులు అనునిత్యం పూజిస్తుంటారు. ఎంతోమంది మహా భక్తులు ఆ తల్లిని సేవించి తరించారు.

 అలాంటి ఆ తల్లి నామాన్ని అనునిత్యం స్మరించడం వలన, సమస్త పాపాలు హరించబడతాయి. ఆపదలో వున్నవారు దుర్గా నామాన్ని స్మరించడం వలన, వాటి నుంచి గట్టెక్కుతారు. అనారోగ్యాలతోను .. ఆర్ధికపరమైన సమస్యలతోను ఇబ్బందులు పడుతున్నవాళ్లు, ఆ తల్లి నామాన్ని స్మరించడం వలన వాటి నుంచి విముక్తిని పొందుతారు. దుర్గా నామాన్ని స్మరించడం వలన గ్రహసంబంధమైన దోషాలు కూడా తొలగిపోతాయి. దుర్గాదేవి పాదాలను అత్యంత భక్తి శ్రద్ధలతో ఎవరైతే ఆశ్రయిస్తారో, అలాంటి వారిని ఆ తల్లి ఒక రక్షణ కవచంగా కాపాడుతూ ఉంటుందని ఆధ్యాత్మిక గ్రంధాలు చెబుతున్నాయి.