Vijay Devarakonda: 'లైగర్' మూడో సాంగ్ ముహూర్తం రేపే!

పూరి జగన్నాథ్ దర్శకత్వంలో 'లైగర్' సినిమా రూపొందింది. పూరి - ధర్మ ప్రొడక్షన్స్ నిర్మించిన ఈ సినిమా బాక్సింగ్ నేపథ్యంలో నడవనుంది. బాక్సర్ గా విజయ్ దేవరకొండ కనిపించే ఈ సినిమాలో ఆయన  జోడీగా అనన్య పాండే కనిపించనుంది. తెలుగులో ఆమెకి ఇదే మొదటి సినిమా.

ఈ సినిమా నుంచి ఇంతవరకూ వదిలిన రెండు సాంగ్స్ కి అనూహ్యమైన రెస్పాన్స్ వచ్చింది. ఇక రేపు మూడో సాంగ్ ను రిలీజ్ చేయడానికి సన్నాహాలు చేస్తున్నారు. రేపు సాయంత్రం 4 గంటలకు 'కోకా 2.0' సాంగ్ ను రిలీజ్ చేయనున్నారు. ఈ విషయాన్ని అధికారికంగా తెలియజేస్తూ అందుకు సంబంధించిన పోస్టర్ ను వదిలారు. 

ఈ సినిమాలో విజయ్ దేవరకొండ తల్లిగా మాస్ పాత్రలో రమ్యకృష్ణ కనిపించనుంది. ఈ తరహా పాత్రలో ఆమె కనిపించనుండటం ఇదే ఫస్టు టైమ్. ఇతర ముఖ్యమైన పాత్రలలో రోనిత్ రాయ్ .. అలీ .. మకరంద్ దేశ్ పాండే కనిపించనున్నారు. ప్రత్యేకమైన పాత్రలో మైక్ టైసన్ నటించిన ఈ సినిమాను ఈ నెల 25వ తేదీన విడుదల చేయనున్నారు.