: తిరువీధులలో ఊరేగుతున్న దేవదేవుడు

తిరుమలలో ఈ ఉదయం రథసప్తమి వేడుకలు వైభవంగా మొదలయ్యాయి. శ్రీనివాసుడు ఈ రోజున ఏడు వాహనాలలో ఊరేగనున్నాడు. తొలిగా స్వామి తిరువీధులలో సూర్యప్రభ వాహనంలో భక్తులకు దర్శనం ఇచ్చారు. అనంతరం చిన్నశేషవాహనంలో భక్తులను అనుగ్రహించారు. ప్రస్తుతం స్వామి వారికి గరుడ సేవ వైభవంగా జరుగుతోంది.

 గోవింద నామస్మరణలతో తిరువీధులు మార్మోగుతున్నాయి. సుమారుగా రెండు లక్షలకుపైనే భక్తులు తిరుమలకు విచ్చేశారని అంచనా. ఈ రోజు సూర్యాస్తమయం లోపు స్వామికి మరో నాలుగు వాహన సేవలను నిర్వహించనున్నారు. భక్తుల రద్దీకి అనుగుణంగా అధికారులు ప్రత్యేక ఏర్పాట్లు చేశారు.