: వీవీఐపీల హెలికాఫ్టర్ ప్రత్యేకతలు!

ఇటలీకి చెందిన ఫిన్ మెకానికా కంపెనీ ... AW సిరీస్‌పేరుతో  అగస్టా హెలికాప్టర్లు  తయారు చేస్తోంది. ఇటలీ ఉత్తర ప్రాంతంలో 1923లోనే హెలికాప్టర్ల ఉత్పత్తి ప్రారంభించింది. రెండో ప్రపంచ యుద్ధంలోనూ దీని ముఖ్య ఉద్దేశం ...  వీవీఐపీల ప్రయాణం. పరిశోధక, సహాయక, సైనిక చర్యల్లోనూ వీటిని ఉపయోగిస్తున్నారు. అగస్టా హెలికాప్టర్లలో ఇద్దరు పైలట్లుంటారు. మూడు ఇంజన్లుంటాయి. ఒకటి ఫెయిలైతే మరొకటి... అదీ విఫలమైతే... మూడోది పనిచేస్తుంది.

AW 101 హెలికాప్టర్ గంటకు 278 కిలోమీటర్ల వేగంతో దూసుకుపోతుంది. ఏక బిగిన 1058 కిలోమీటర్లు ప్రయాణించగలదు. 5 గంటలా 10 నిమిషాలు ఆగకుండా వెళ్లగలదు. ఒకేసారి 36 మంది ప్రయాణించవచ్చు. దీనికుండే 4 ట్యాంకుల్లో... 4094 లీటర్లు ఇంధనాన్ని నింపుకోవచ్చు. 15వేల అడుగుల ఎత్తు వరకు వెళ్తుంది. ప్రమాదాలను నివారించేలా అత్యాధునిక ఎలక్ట్రానిక్ పరికరాలు, క్యాబిన్, కాక్‌పిట్, సీట్లకు సాయుధ భద్రత వుంటాయి. ప్రమాద సమయాల్లో ఇంజన్ ట్యాంకులు వాటంతటవే మూసుకుంటాయి. దీనివల్ల మంటలు చెలరేగవు.