JIO: రూ. 600కే మూడు రకాల సేవలు.. వచ్చే నెలలో ప్రారంభించనున్న జియో

టెలికాం రంగంలో ఇప్పటికే సంచలనానికి తెర తీసిన జియో... తాజాగా మరో చరిత్ర సృష్టించబోతోంది. కేవలం రూ. 600కే మూడు రకాల సేవలందించేందుకు సిద్ధమైంది. ఆగస్టు 12వ తేదీన జియో గిగా ఫైబర్ సేవలను ప్రారంభించబోతోంది. ఈ గిగా ఫైబర్ సర్వీసులతో ల్యాండ్ లైన్ కనెక్షన్, 1జీబీపీఎస్ స్పీడ్ తో బ్రాడ్ బ్యాండ్, 600 టీవీ ఛానళ్లను అందిస్తుంది. ఓఎస్టీ డివైస్ కోసం రూ. 4500 చెల్లించాల్సి ఉంటుంది. కనెక్షన్ వద్దనుకున్నప్పుడు ఈ మొత్తాన్ని వెనక్కి ఇచ్చేస్తారు. పేమెంట్ కోసం ప్రీపెయిడ్, పోస్ట్ పెయిడ్ ఆప్షన్లు కూడా ఉంటాయి.