kcr: కేసీఆర్ ‘ఫ్రంట్’పై అడిగిన ప్రశ్నకు ప్రధాని మోదీ ఆసక్తికర వ్యాఖ్యలు!
![](https://img.ap7am.com/bimg/tnews-635a5414d63c3bcaf099c73b04c314f2f341dcb4.jpg)
- కేసీఆర్ ‘ఫ్రంట్’ గురించి నాకు తెలియదు
- తెలంగాణపై చంద్రబాబు ద్వేషంతో ఉన్నారు
- అందుకే, కూటమి కట్టి కంగుతిన్నారు
ఫెడరల్ ఫ్రంట్ ఏర్పాటు చేస్తానని తెలంగాణ సీఎం కేసీఆర్ ప్రకటించడం, ఈ క్రమంలో ఒడిశా, పశ్చిమబెంగాల్, ఢిల్లీలో ఇటీవల ఆయన పర్యటించడం తెలిసిందే. ఈ నేపథ్యంలో కేసీఆర్ ‘ఫ్రంట్’ ఏర్పాటు విషయమై ప్రధాని నరేంద్ర మోదీని ప్రశ్నించగా ఆసక్తికర సమాధానం చెప్పారు.
ఏఎన్ఐ వార్తా సంస్థకు ఇచ్చిన ఇంటర్వ్యూలో మోదీ మాట్లాడుతూ, కేసీఆర్ ‘ఫ్రంట్’ ఏర్పాటు చేస్తున్నారన్న విషయం తనకు తెలియదని చెప్పారు. మోదీ కోసమే కేసీఆర్ ఈ ఫ్రంట్ ను ఏర్పాటు చేస్తున్నారని చంద్రబాబు చేసిన విమర్శలపై ప్రశ్నించగా.. తెలంగాణపై ద్వేషంతో ఉన్న చంద్రబాబు రాజకీయాలు చేయాలనుకుని, అక్కడి ఎన్నికల్లో కూటమి కట్టి కంగుతిన్నారని, అందువల్లే, చంద్రబాబు ఏదేదో మాట్లాడుతున్నారని విమర్శించారు.