rajaselhar: డిఫరెంట్ కాన్సెప్ట్ తో 'ఆకాశవాణి' .. విలన్ గా రాజశేఖర్?
- కార్తికేయ నిర్మాతగా 'ఆకాశవాణి'
- జనవరి నుంచి సెట్స్ పైకి
- కీలకంగా నిలవనున్న విలన్ రోల్
రాజమౌళి తనయుడు కార్తికేయ తన సొంత బ్యానర్ పై ఒక సినిమాను నిర్మిస్తున్నాడు. డిఫరెంట్ కాన్సెప్ట్ తో రూపొందే ఈ సినిమాకి 'ఆకాశవాణి' అనే టైటిల్ ను ఖరారు చేశారు. గతంలో రాజమౌళి దగ్గర దర్శకత్వ శాఖలో పనిచేసిన అశ్విన్ గంగరాజు ఈ సినిమాకి దర్శకత్వం వహించనున్నాడు. కీరవాణి తనయుడు 'కాలభైరవ' ఈ సినిమాకి సంగీతాన్ని సమకూర్చనున్నాడు.
జనవరి నుంచి ఈ సినిమా రెగ్యులర్ షూటింగ్ జరపడానికి ఏర్పాట్లు చేసుకుంటున్నారు. ఈ సినిమాలో విలన్ పాత్ర చాలా కీలకంగా నిలుస్తుందట. అందువలన విలన్ పాత్ర కోసం మోహన్ లాల్ ను సంప్రదిస్తున్నారని తెలుస్తోంది. ఏ కారణం చేతనైనా మోహన్ లాల్ అందుబాటులో లేకపోతే, రాజశేఖర్ ను ఒప్పించాలనే ఆలోచనలో టీమ్ వున్నట్టుగా చెబుతున్నారు.
