Kajal Agarwal: సినిమా కబుర్లు.. సంక్షిప్త సమాచారం

*  అందాల కాజల్ మరోసారి రవితేజతో జత కట్టనుంది. వీఐ ఆనంద్ దర్శకత్వంలో రవితేజ హీరోగా రూపొందే చిత్రం కోసం కాజల్ ను ఎంచుకున్నట్టు తెలుస్తోంది. గతంలో రవితేజ, కాజల్ కలసి 'వీర', 'సారొచ్చారు' చిత్రాలలో నటించారు.
*  దాదాపు మూడు సంవత్సరాల గ్యాప్ తర్వాత దర్శకుడు శ్రీకాంత్ అడ్డాల తన తదుపరి చిత్రాన్ని ఇప్పుడు చేస్తున్నాడు. నాని హీరోగా ఇది రూపొందుతుంది. తాజాగా ఈ చిత్రం పూర్తి స్క్రిప్టును దర్శకుడు నానికి వినిపించాడని, నాని గ్రీన్ సిగ్నల్ ఇచ్చేశాడని సమాచారం.
*  అల్లు అర్జున్ హీరోగా త్రివిక్రమ్ శ్రీనివాస్ దర్శకత్వంలో ఓ చిత్రం రూపొందనుంది. ఇందులో కథానాయిక పాత్రకు కైరా అద్వానీని తీసుకోనున్నట్టు సమాచారం. ప్రస్తుతం రామ్ చరణ్, బోయపాటి కాంబినేషన్లో రూపొందుతున్న చిత్రంలో కైరా నటిస్తోంది.