: హైదరాబాద్ లో టీటీడీ 'శుభప్రదం'
తిరుమల తిరుపతి దేవస్థానం (టీటీడీ) ప్రతిష్ఠాత్మకంగా చేపట్టిన 'శుభప్రదం' కార్యక్రమం నేడు హైదరాబాద్ లో ప్రారంభమైంది. నగరంలో ఈ కార్యక్రమాన్ని టీటీడీ చైర్మన్ కనుమూరి బాపిరాజు ఆరంభించారు. యువతలో భారతీయ సంస్కృతి, సంప్రదాయాలు, నైతిక విలువలను పెంపొందించడమే ఈ 'శుభప్రదం' ప్రధాన ఉద్ధేశం. ఈ కార్యక్రమంలో పాల్గొనేందుకు పదవ తరగతి, ఇంటర్మీడియట్ పరీక్షలు రాసిన విద్యార్థులు అర్హులు. టీటీడీ రాష్ట్రంలోని ఇతర ముఖ్య పట్టణాల్లోనూ 'శుభప్రదం' నిర్వహించనుంది.
