vijay: తొలిసారిగా ముఖ్యమంత్రి పాత్రలో విజయ్

మురుగదాస్ దర్శకత్వంలో విజయ్ హీరోగా 'సర్కార్' చిత్రం రూపొందుతోంది. సన్ పిక్చర్స్ వారు భారీ బడ్జెట్ తో ఈ సినిమాను నిర్మిస్తున్నారు. ఇప్పటికే షూటింగు పార్టును పూర్తిచేసుకున్న ఈ సినిమా, ప్రస్తుతం పోస్ట్ ప్రొడక్షన్ పనులను జరుపుకుంటోంది. కీర్తి సురేశ్ కథానాయికగా నటించిన ఈ సినిమాను దీపావళి కానుకగా విడుదల చేయనున్నారు.ఈ సినిమాలో విజయ్ ముఖ్యమంత్రిగా కనిపించనున్నాడు. తన కెరియర్లో ముఖ్యమంత్రిగా ఆయన తెరపై కనిపించనుండటం ఇదే మొదటిసారి. సమకాలీన రాజకీయాలను గురించి ప్రస్తావిస్తూ, యూత్ ను ప్రభావితం చేసే విధంగా ఆయన పాత్రను తీర్చిదిద్దారని తెలుస్తోంది. ఈ సినిమాలో ప్రతినాయకుడిగా రాధారవి కనిపిస్తారట. ఈ ఇద్దరికీ మధ్య జరిగే వార్ ఉత్కంఠభరితంగా ఉంటుందని చెబుతున్నారు. తెలుగులో మహేశ్ బాబు .. ముఖ్యమంత్రి పాత్రలో మెప్పించి బ్లాక్ బస్టర్ హిట్ కొట్టాడు. ఇక అదే తరహా పాత్రలో విజయ్ కూడా సంచలన విజయాన్ని అందుకుంటాడేమో చూడాలి మరి.