conductor: వేగంగా వెళుతున్న బస్సు నుంచి కిందకు పడిపోయిన కండక్టర్.. తీవ్ర గాయాలు.. వీడియో చూడండి

వేగంగా వెళ్తున్న ఆర్టీసీ సిటీ బస్సు నుంచి కండక్టర్ కిందకు పడిపోయిన ఘటన హైదరాబాదులో చోటు చేసుకుంది. ఘటన వివరాల్లోకి వెళ్తే, బస్సు వెళ్తున్న సమయంలో కండక్టర్ ఫుట్ బోర్డుపై నిల్చున్నాడు. ఓ కూడలి వద్ద బస్సు టర్న్ అవుతున్న సమయంలో పట్టుతప్పి, ప్రమాదవశాత్తు కిందకు పడిపోయాడు. వెంటనే ప్రయాణికులు గట్టిగా అరవడంతో డ్రైవర్ బస్సును నిలిపివేశాడు. ఈ ప్రమాదంలో కండక్టర్ కు తీవ్ర గాయాలయ్యాయి. గాయపడిన అతడిని డ్రైవర్ తో పాటు, బస్సులో ఉన్న కొందరు ప్రయాణికులు దగ్గర్లో ఉన్న ఓ ప్రైవేటు ఆసుపత్రికి తరలించారు. ప్రస్తుతం ఆయన కోలుకుంటున్నారు. ఈ ఘటన హైదరాబాదులోని వేవ్ రాక్ ప్రాంతంలో చోటు చేసుకుంది.