Telugudesam: టీడీపీపై సభాహక్కుల ఉల్లంఘన నోటీస్ ఇచ్చిన జీవీఎల్
- రాజ్యసభలో నేను ప్రసంగించాక టీడీపీ నేతలు బెదిరించారు
- ‘ఖబడ్డార్..’ అని బెదిరింపులకు పాల్పడ్డారు
- వీడియో ఆధారాలను అందజేసిన జీవీఎల్?
టీడీపీ నేతలు తనను బెదిరించారంటూ బీజేపీ ఎంపీ జీవీఎల్ నరసింహారావు ఆరోపించారు. ఈ మేరకు టీడీపీపై సభా హక్కుల ఉల్లంఘన నోటీస్ ఇచ్చారు. రాజ్యసభలో తాను ప్రసంగించిన తర్వాత టీడీపీ నేతలు ఈ బెదిరింపులకు పాల్పడ్డారని ఆరోపించారు. ‘ఖబడ్డార్ .. తీవ్ర పరిణామాలు ఉంటాయి’ అంటూ టీడీపీ నేతలు తనను బెదిరించారని ఆ నోటీస్ లో పేర్కొన్నట్టు సమాచారం.
టీడీపీ నేతలు తనను హెచ్చరిస్తున్న వీడియో ఆధారాలను రాజ్యసభ సెక్రటేరియట్ కు జీవీఎల్ అందజేసినట్టు తెలుస్తోంది. టీడీపీ వైఫల్యాలను రాజ్యసభ వేదికగా ఎండగట్టడంతోనే తనను టీడీపీ నేతలు బెదిరించారని జీవీఎల్ అన్నట్టు తెలుస్తోంది.
