muslim: జానకిరాముల చిత్రాలతో ముస్లిం అమ్మాయి పెళ్లి శుభలేఖ!
- ఉత్తరప్రదేశ్‌లో ఘటన
- మతసామరస్యాన్ని చాటిన ముస్లిం
- హిందూ మిత్రులకి పంచిన మహ్మద్ సలీం
మత సామరస్యాన్ని వినూత్న రీతిలో చాటిన ఉత్తరప్రదేశ్‌లోని ఓ ముస్లిం కుటుంబం పట్ల సర్వత్రా ప్రశంసలు దక్కుతున్నాయి. సుల్తానాపూర్‌లోని బాగ్‌సరి గ్రామానికి చెందిన జహానా బానో అనే ముస్లిం అమ్మాయికి ఇటీవల పెళ్లి కుదిరింది. ఆ అమ్మాయి తండ్రి మహ్మద్ సలీం పెళ్లికార్డులో సీతారాముల చిత్రాలను అచ్చువేయించి, వాటిని హిందూ మతానికి చెందిన తమ మిత్రులకు పంచాడు. అంతేకాదు, ఆ శుభలేఖతో పాటు కలశం, దీపాలు, అరటి ఆకులు, పూలు వంటి వస్తువులను కూడా పంచాడు. మతసామరస్యాన్ని పెంచుతూ మహ్మద్ సలీ చేసిన పని అందరికీ స్ఫూర్తిగా నిలుస్తోంది.
