YSRCP: క్రిస్మస్ శుభాకాంక్షలు తెలిపిన వైఎస్ జగన్!
- తెలుగు రాష్ట్రాలకు చెందిన క్రైస్తవులందరికీ శుభాకాంక్షలు
- ఈ పండగను ఘనంగా జరుపుకోవాలి
- క్రీస్తు బోధనలు మనుషులందరినీ సన్మార్గంలో నడిపిస్తాయి
రేపు క్రిస్మస్ పర్వదినం సందర్భంగా వైసీపీ అధినేత జగన్ శుభాకాంక్షలు తెలిపారు. ఈమేరకు ఓ ప్రకటన విడుదల చేశారు. తెలుగు రాష్ట్రాలకు చెందిన క్రైస్తవులందరికీ శుభాకాంక్షలని, ఈ పండగను ఘనంగా జరుపుకోవాలని ఆయన ఆకాంక్షించారు. సాటి మనుషుల పట్ల ప్రేమ, నిస్పహాయుల పట్ల కరుణ, ఆకాశమంతటి సహనం, అవధులు లేని త్యాగం, శాంతియుత సహజీవనం, శత్రువుల పట్ల సైతం క్షమాగుణం..ఇవన్నీ క్రీస్తు తన జీవితం ద్వారా ఇచ్చిన మహోన్నత సందేశాలని ఆ ప్రకటనలో పేర్కొన్నారు. ఈ బోధనలు మనుషులందరినీ ఎప్పటికీ సన్మార్గంలో నడిపిస్తాయని జగన్ పేర్కొన్నారు.
