‘మనం’: ‘మనం’ సెట్ పూర్తిగా కాలిపోవడం చాలా బాధగా ఉంది: అక్కినేని నాగార్జున
- ఈ సెట్ ను చూసినప్పుడల్లా నాన్న గుర్తొచ్చేవారు
- నాడు ఈ సెట్ నిర్మాణానికి రూ.2 కోట్లకు పైగానే ఖర్చు పెట్టాం
- ఈ ప్రమాదంలో ఎవరికీ గాయాలు కాలేదు
- సకాలంలో ఫైర్ సిబ్బంది స్పందించారు
హైదరాబాద్ అన్నపూర్ణ స్టూడియోస్ లో జరిగిన అగ్నిప్రమాదంలో ‘మనం’ సినిమా సెట్ పూర్తిగా కాలిపోవడంతో చాలా బాధగా ఉందని ప్రముఖ నటుడు అక్కినేని నాగార్జున ఆవేదన వ్యక్తం చేశారు. మీడియాతో ఆయన మాట్లాడుతూ, షార్ట్ సర్క్యూట్ వల్లే ఈ ప్రమాదం సంభవించిందని, ఈ ఘటనలో ఎవరికీ గాయాలు కాలేదని చెప్పారు.
సకాలంలో ఫైర్ సిబ్బంది వచ్చి మంటలార్పారని అన్నారు. తన తండ్రి అక్కినేని నాగేశ్వరరావుతో కలిసి నటించిన సినిమా కావడంతో ఈ సెట్ ను చూసినప్పుడల్లా ఆయన గుర్తొచ్చేవారని అన్నారు. ఈ సినిమా సెట్ కు రూ.2 కోట్లకు పైనే అప్పుడు ఖర్చయిన విషయాన్ని గుర్తుచేసుకున్నారు. ‘రాజు గారి గది’తో పాటు పలు సినిమాల షూటింగ్ ఈ సెట్ లోనే జరిగిందని తెలిపారు.
