merikom: ఆసియా మ‌హిళ‌ల బాక్సింగ్ ఛాంపియ‌న్‌షిప్ సెమీస్‌కి చేరిన మేరీ కోమ్
- చైనాకు చెందిన తైపీ మెంగ్ చిహ్ పిన్‌ను ఓడించిన భార‌త బాక్సర్
- ఆరో ప‌త‌కాన్ని తీసుకురాబోతున్న మేరీ
- వియ‌త్నాంలో జ‌రుగుతున్న పోటీలు
వియ‌త్నాంలోని హోచిమిన్ సిటీలో జ‌రుగుతున్న ఆసియా మ‌హిళ‌ల బాక్సింగ్ ఛాంపియన్షిప్లో భాగంగా జరిగిన క్వార్టర్ ఫైన‌ల్ మ్యాచ్‌లో భార‌త బాక్సర్ మేరీ కోమ్ విజ‌యం సాధించింది. ఈ విజ‌యంతో ఆమె సెమీస్‌లో ప్ర‌వేశించి త‌న ఖాతాలో ఆరో ఆసియా బాక్సింగ్ ఛాంపియ‌న్‌షిప్ ప‌త‌కాన్ని ఖరారు చేసుకుంది.
48 కిలోల విభాగంలో జరిగిన క్వార్టర్ ఫైనల్లో చైనాకు చెందిన తైపీ మెంగ్ చిహ్ పిన్‌ను మేరీ ఓడించింది. ఆసియా ఛాంపియన్షిప్లో ఇప్పటికే నాలుగు సార్లు పసిడి, ఒక‌సారి రజతం కైవసం చేసుకున్న మేరీ, సెమీ ఫైన‌ల్ మ్యాచ్‌లో జపాన్‌ బాక్సర్ సుబస కొమురతో తలపడనుంది.
