: త్రివిక్రమ్ దర్శకత్వంలో రూపొందుతున్న చిత్రంలో పవన్ కల్యాణ్ లుక్ ఇదే... సోషల్ మీడియాలో వైరల్!
పవర్ స్టార్ పవన్ కల్యాణ్ ఓ వైపు తన జనసేన పార్టీని బలపరిచే కార్యక్రమాల్లో పాల్గొంటూ, మరోవైపు సినిమాలనూ కొనసాగిస్తున్న సంగతి తెలిసిందే. ఆయన 25వ చిత్రంగా త్రివిక్రమ్ శ్రీనివాస్ దర్శకత్వంలో ఓ చిత్రం చేస్తున్నారు. ఈ సినిమా షూటింగ్ ప్రారంభమై చాలా రోజులే అయినా, దానికి సంబంధించిన వివరాలు మాత్రం ఇంకా బయటకు రాలేదు. కనీసం టైటిల్ కూడా వెల్లడి కాలేదు.
ఇక ఈ సినిమాలో పవన్ ఇలా కనిపిస్తారంటూ ఓ చిత్రం సోషల్ మీడియాను వైరల్ చేసింది. గడ్డంతో ఉన్న పవన్, మెడలో స్కార్ఫ్ తో, చేతిలో గొడుకు పట్టుకుని కూర్చున్న ఫోటో ఇది. అయితే, ఇందులో పవన్ గడ్డంతో ఉండటంతో ఇది గతంలో తీసిన ఫోటో అయ్యుండవచ్చన్న వాదనా వస్తోంది. అయితే, ఈ చిత్రాన్ని ఎవరూ ఎప్పుడూ చూడకపోవడంతో, కొత్త సినిమాలో పవన్ లుక్ ఇదేనని చాలా మంది నమ్ముతున్నారు. ఇక ఏది నిజమో తెలుసుకోవాలంటే, అధికారికంగా ఫస్ట్ లుక్ వచ్చేంత వరకూ వేచి చూడాల్సిందే.
