: జర్మనీ పడవ ప్రమాదంలో తెలుగు వ్యక్తి మృతి!
జర్మనీలో పడవ బోల్తా పడిన ఘటనలో ప్రవాసాంధ్రుడు మృతి చెందిన ఘటన ఆవేదన కలిగిస్తోంది. మృతుడి పేరు మల్లికార్జునరావు. ప్రకాశం జిల్లా కొండెపి మండలానికి చెందిన వారు. జర్మనీలో మెకానికల్ ఇంజినీరుగా పని చేస్తున్నారు. ఆయన పడవలో ప్రయాణిస్తున్న సమయంలో అది బోల్తాపడడంతో, ఆయన ప్రాణాలు కోల్పోయారు. మల్లికార్జునరావు మరణ వార్తతో ఆయన స్వగ్రామం కట్టావారిపాలెంలో విషాద ఛాయలు అలముకున్నాయి.
