: రాజమౌళిని కూడా వదలని రాంగోపాల్ వర్మ... ఆసక్తికర ట్వీట్
ప్రముఖ దర్శకుడు రాంగోపాల్ వర్మను బాహుబలి సినిమా పూనినట్టుంది. 'బాహుబలి-2: ద కన్ క్లూజన్' సినిమా విడుదలైన నాటి నుంచి ఆ సినిమాపై ట్వీట్లతో ప్రశంసలు కురిపిస్తున్నాడు. ఒక విధంగా చెప్పాలంటే, తన 'సర్కార్-3' సినిమా కంటే కూడా రాంగోపాల్ వర్మ 'బాహుబలి-2: ద కన్ క్లూజన్' సినిమాపైనే ఎక్కువ మాట్లాడాడంటే ఆశ్చర్యం కలగకమానదు. 'బాహుబలి-2: ద కన్ క్లూజన్' సినిమాను ఇంతగా పొగిడిన రాంగోపాల్ వర్మ, రాజమౌళిని పొగిడాడో తెగిడాడో అర్ధం కాని విధంగా ఒక ట్వీట్ చేశాడు. 'బాహుబలి-2: ద కన్ క్లూజన్' మేనియా నుంచి బయటకు వచ్చిన రాంగోపాల్ వర్మ తాజాగా...‘'బాహుబలి-2: ద కన్ క్లూజన్' సినిమా కలెక్షన్ల కంటే కూడా రాజమౌళి నమ్రత, విధేయతలే భయానకంగా అనిపిస్తాయి’ అంటూ వ్యాఖ్యానించాడు. కాగా, రాజమౌళి బహిరంగ వేదికలపై వినమ్రత, విధేయత చూపిస్తూ మాట్లాడుతాడన్న సంగతి తెలిసిందే.
Only thing more Scarier than Bahubali2 collections is @ssrajamouli 's Humility and Modesty
