: రాష్ట్రపతి పదవి కోసం ప్రయత్నాలను తీవ్రతరం చేసిన ద్రౌపతి ముర్ము
భారత రాష్ట్రపతి ప్రణబ్ ముఖర్జీ పదవీకాలం జూలై 25తో ముగుస్తోంది. ఈ నేపథ్యంలో రాష్ట్రపతి అభ్యర్థిని ఎంపిక చేయడం కోసం ప్రధాన పార్టీలు ఇప్పటికే సన్నాహకాలు ప్రారంభించాయి. ఎన్టీయే కూటమి నుంచి రాష్ట్రపతి పదవి కోసం ప్రయత్నిస్తున్న ఆశావహుల సంఖ్య కూడా బాగానే ఉంది.
తాజాగా ఎన్డీఏ తరపున ఈ పదవి కోసం జార్ఖండ్ గవర్నర్ ద్రౌపతి ముర్ము పేరు బాగా వినిపిస్తోంది. దళిత వర్గానికి చెందిన వ్యక్తి కావడం, మహిళ కావడంతో ఈమెకు ఉన్న అవకాశాలను కొట్టిపారేయలేమని విశ్లేషకులు సైతం చెబుతున్నారు. ఈ నేపథ్యంలో, కలసి వస్తున్న అవకాశాలను అందిపుచ్చుకోవడానికి ఆమె కూడా తనవైపు నుంచి ప్రయత్నాలను ముమ్మరం చేశారు. 2015 మే 18 నుంచి ఆమె జార్ఖండ్ గవర్నర్ గా కొనసాగుతున్నారు. జార్ఖండ్ రాష్ట్ర తొలి మహిళా గవర్నర్ గా ఆమె చరిత్ర సృష్టించారు.
