: టీ ట్వంటీల్లో టాప్-5లోకి దూసుకొచ్చిన పాకిస్థాన్... 2వ స్థానంలో టీమిండియా!
ఐసీసీ తాజా ర్యాంకింగ్స్‌లో పాకిస్థాన్ క్రికెట్ జట్టు టాప్ 5లో చోటు దక్కించుకుంది. వెస్టిండీస్ పర్యటనలో ఉన్న పాకిస్థాన్.. ఆ దేశంతో జ‌రిగిన టీ ట్వంటీ సిరీస్‌ను 3-1తో కైవసం చేసుకోవడంతో ర్యాంకును మెరుగుప‌ర్చుకుంది. నిన్న‌టి వ‌ర‌కు పాకిస్థాన్ టీట్వంటీ ఫార్మాట్‌లో 6వ స్థానంలో, వెస్టిండీస్ 4వ స్థానంలో ఉన్నాయి. అయితే, ఈ సిరీస్ విజ‌యంతో ర్యాంకులు తారుమార‌య్యాయి. ఇప్పుడు పాకిస్థాన్ 115 పాయింట్లతో 4వ స్థానంలో ఉండగా, వెస్టిండీస్ 114 పాయింట్లతో ఆరో స్థానంలో ఉంది. ఇక న్యూజిలాండ్‌ 127 పాయింట్లతో అగ్రస్థానంలో ఉండగా, టీమిండియా 124 పాయింట్లతో రెండో స్థానంలో ఉంది. ఆ త‌రువాత దక్షిణాఫ్రికా(117), ఇంగ్లాండ్‌(114) టీమ్‌లు ఉన్నాయి.
ఇటీవ‌ల జ‌రిగిన పాకిస్థాన్ సూపర్‌ లీగ్‌(పీఎస్‌ఎల్‌)లో పాకిస్థాన్ ఆట‌గాళ్లు పాల్ప‌డ్డ స్పాట్‌ ఫిక్సింగ్ తో అభిమానులు వారిపై తీవ్ర స్థాయిలో మండిప‌డ్డ విష‌యం తెలిసిందే. వెస్టిండీస్‌పై పాక్ విజ‌యం వారిని కాస్త చ‌ల్ల‌బ‌రిచింది.
