: వరకట్న వేధింపుల కేసులో సినీ హీరోల వ్యక్తిగత జిమ్ ట్రైనర్ అరెస్టు
వరకట్న వేధింపుల కేసులో సినీ హీరోల వ్యక్తిగత జిమ్ ట్రైనర్ పల్లి ప్రదీప్ కుమార్ రెడ్డిని హైదరాబాద్, బంజారా హిల్స్ పోలీసులు అరెస్టు చేశారు. ఈ సందర్భంగా పోలీసులు తెలిపిన వివరాల ప్రకారం, బంజారాహిల్స్ రోడ్ నెం.14 వెంకటేశ్వర నగర్ లో ప్రదీప్ కుమార్ రెడ్డి నివసిస్తున్నాడు. ప్రదీప్ కుమార్ రెడ్డి ఎనిమిది సంవత్సరాల క్రితం ఆస్ట్రేలియాలో ఉన్నాడు. ఆ సమయంలో హైదరాబాద్ లోని ఎర్రగడ్డకు చెందిన దివ్య అనే యువతిని ప్రేమించి పెళ్లి చేసుకున్నాడు. అయితే, ఏడాది క్రితం, హైదరాబాద్ కు తిరిగి వచ్చిన ప్రదీప్, జూబ్లీహిల్స్ లో ఫిట్ నెస్ సెంటర్ ఏర్పాటు చేశాడు. అయితే, కొంత కాలంగా, అదనపు కట్నం కోసం తన భార్యను వేధించడం మొదలుపెట్టాడు. ఈ నేపథ్యంలో భార్య దివ్య తన భర్త ప్రదీప్ పై పోలీసులకు ఫిర్యాదు చేసింది. కేసు నమోదు చేసిన పోలీసులు, ప్రదీప్ ను అరెస్ట్ చేసి రిమాండ్ కు తరలించారు.
