: ఎంతో మంది శత్రువులు... అందరికీ శుభాకాంక్షలు!: యూఎస్ కొత్త అధ్యక్షుడు ట్రంప్
కొద్దిసేపటి క్రితం వాషింగ్టన్ కొత్త సంవత్సరానికి స్వాగతం పలుకగా, అమెరికా కొత్త అధ్యక్షుడు డొనాల్డ్ ట్రంప్ తన శత్రువులకు కూడా నూతన సంవత్సర శుభాకాంక్షలు తెలిపారు. "నాకున్న ఎంతోమంది శత్రువులకు, నాపై పోరాడి ఘోరంగా ఓడిపోయి, ఏం చేయాలో తెలియని స్థితిలో ఉన్న వారితో సహా అందరికీ హ్యాపీ న్యూ ఇయర్... ప్రేమతో" అని ట్వీట్ చేశారు. కాగా, గత నవంబరులో జరిగిన అమెరికా అధ్యక్ష ఎన్నికల్లో పరీశీలకులకు, ప్రపంచ దేశాలకు షాకిస్తూ, డెమోక్రాట్ల అభ్యర్థిని హిల్లరీ క్లింటన్ పై ట్రంప్ విజయం సాధించిన సంగతి తెలిసిందే. అమెరికాకు 45వ అధ్యక్షునిగా ఈ నెల 20న ఆయన ప్రమాణ స్వీకారం చేయనున్నారు.
