: డొనాల్డ్ ట్రంప్ పాకిస్థాన్ జాతీయుడా?...అసలు పేరు దావూద్?: సోషల్ మీడియాలో రూమర్లు
ఇది నిజంగా షాకింగ్ న్యూసే... ముస్లింలు లేని అమెరికా కావాలని, ఇస్లాం టెర్రరిజాన్ని రూపుమాపుతానని, ఇతర దేశాల నుంచి వచ్చే ముస్లింలను అమెరికాలో అడుగుపెట్టనివ్వనని గత కొన్ని నెలలుగా ఊదరగొట్టి, ఏకంగా అధ్యక్షపీఠాన్ని కైవసం చేసుకున్న డొనాల్డ్ ట్రంప్ ముస్లిం జాతీయుడా? పాకిస్ధానీనా? అన్న విషయం సోషల్ మీడియాలో ఇప్పుడు వైరల్ అవుతోంది. దీనిని చూసిన వారంతా ఆశ్చర్యానికి గురవుతున్నారు. అమెరికా కొత్త అధ్యక్షుడు డొనాల్డ్ ట్రంప్ పాకిస్థాన్ జాతీయుడని పాకిస్తాన్ కు చెందిన నియో న్యూస్ చానెల్ ప్రత్యేక కథనాన్ని ప్రసారం చేసింది. అయితే, ఈ కధనాన్ని సోషల్ మీడియాలో షేర్ అవుతున్న పోస్టుల ఆధారంగా రూపొందించి, ప్రసారం చేస్తున్నట్టు తెలిపింది. దీంతో ఈ కథనం సోషల్ మీడియాలో వైరల్ అయింది. పాకిస్తాన్ లో ట్రంప్ పుట్టుక నుంచి అమెరికాకు పయనం వరకు వీడియోలో పేర్కొంది. 1954లో పాకిస్థాన్ లో గల వజిరిస్తాన్ లో ట్రంప్ జన్మించాడని తెలిపింది. అతని పేరు (ముంబైదాడుల ఉగ్రవాదిపేరే ట్రంప్ ది కూడా అని పేర్కొంది) దావూద్ ఇబ్రహీం ఖాన్ అని తెలిపింది. అతని తల్లిదండ్రులు రోడ్డు ప్రమాదంలో మరణించడంతో బ్రిటిష్ ఇండియన్ ఆర్మీకి చెందిన కెప్టెన్ ఒకరు ట్రంప్ ను లండన్ కు తీసుకువెళ్లారని పేర్కొంది. లండన్ లో ట్రంప్ కుటుంబం దావూద్ ఇబ్రహీం ఖాన్ ను దత్తత తీసుకుని డొనాల్డ్ జె ట్రంప్ అని పేరుపెట్టినట్టు వెల్లడించింది.
