: ఐసిస్ పేరు పెట్టుకున్నందుకు మూడు నెలల జైలు శిక్ష

తన వైఫై నెట్ వర్క్ కనెక్షన్ కు ఐసిస్ పేరు పెట్టినందుకు మూడు నెలల జైలు శిక్షకు గురయ్యాడు ఓ యువకుడు. వివరాల్లోకి వెళ్లే, ఫ్రాన్స్ లోని డీజన్ పట్టణంలో 18 ఏళ్ల ఓ టీనేజర్ తన వైఫై కనెక్షన్ కు దానిష్21 అనే పేరు పెట్టాడు. అరబిక్ బాషలో ఇస్లామిక్ స్టేట్ కు దానిష్ అనేది మరో అర్థం. ఈ క్రమంలో, పక్కింట్లో ఉన్న మరో వ్యక్తి ఫోన్ కు దానిష్ అనే పేరుతో పాప్-అప్ వచ్చింది. దీంతో, అతను పోలీసులకు ఫిర్యాదు చేశాడు. కేసు నమోదు చేసిన పోలీసులు... ఆ టీనేజర్ పై కేసు నమోదు చేసి, కోర్టులో ప్రవేశపెట్టారు. అయితే, ఆ కుర్రాడికి ఉగ్రవాద సంస్థలతో ఎలాంటి సంబంధం లేదని విచారణలో తేలింది. దీంతో, అతనికి కఠిన శిక్ష విధించకుండా... 100 గంటల పాటు సమాజ సేవ చేయాలంటూ కోర్టు ఆదేశించింది. కోర్టు ఆదేశాలను అతను తిరస్కరించడంతో, మూడు నెలల జైలు శిక్షను విధించింది.