: ట్రైన్ కు ఎదురెళ్లి ఆత్మహత్య చేసుకున్న యువతి
నిజామాబాద్ జిల్లాలో దారుణం చోటుచేసుకుంది. బిక్కనూరు మండలం తలమడ్ల గ్రామంలోని రైల్వే స్టేషన్ దగ్గర సిగ్నల్ పడడంతో ఆగి ఉన్న ట్రైన్ వెనుక నుంచి వెళ్లిన యువతి మరో ట్రాక్ లో వేగంగా వస్తున్న ట్రైన్ కు ఎదురెళ్లి ఆత్మహత్యకు పాల్పడింది. పక్కనే ఆగి ఉన్న ట్రైన్ లో కూర్చున్న ఓ వ్యక్తి ఈ సంఘటనను సెల్ ఫోన్ లో చిత్రీకరించడంతో ఇది వెలుగులోకి వచ్చింది. కాగా, సదరు యువతి టెట్ పరీక్షలో తక్కువ మార్కులు రావడంతో ఆత్మహత్యకు పాల్పడినట్టు తెలుస్తోంది. దీంతో తలమడ్ల గ్రామంలో విషాదం నెలకొంది.
