: రీ ఎగ్జామ్ కు హాజరు కాని బీహార్ టాపర్!
బీహార్ విద్యాశాఖ నిర్వహించిన ఇంటర్ రీ ఎగ్జామ్ కు టాపర్ రూబీ రాయ్ గైర్హాజరయ్యారు. దీనిపై ఆమె కుటుంబ సభ్యులు మాట్లాడుతూ, ఆమెకు అనారోగ్యంగా ఉందని, అందుకే పరీక్షకు హాజరుకాలేదని అన్నారు. దీంతో విద్యాశాఖాధికారులు ఆమెపై చర్యలు తీసుకుంటామని అన్నారు. వీలైతే ఆమె ఫలితాలను రద్దు చేస్తామని తెలిపారు. కాగా, బీహార్ ఫలితాల్లో సైన్స్ విభాగంలో టాపర్లుగా నిలిచిన 9 మందితో పాటు, ఆర్ట్స్ లో టాపర్లుగా నిలిచిన ఐదుగురికి రీ ఎగ్జామ్ నిర్వహించగా, 13 మంది హాజరయ్యారు. కాగా, వీరిని ఓ టీవీ చానెల్ చేసిన ఇంటర్వ్యూలో షాక్ కు గురయ్యే సమాధానాలు చెప్పడంతో సీఎం ఆదేశాలమేరకు వారికి రీ ఎగ్జామ్ నిర్వహించారు.
