: వార్ధా ఆయుధ కర్మాగారంలో భారీ పేలుడు... 17 మంది దుర్మరణం
మహారాష్ట్రలోని వార్ధాలో ఉన్న సైనిక ఆయుధ కర్మాగారంలో కొద్దిసేపటి క్రితం ఘోర ప్రమాదం సంభవించింది. కర్మాగారంలో చోటుచేసుకున్న భారీ పేలుడు పెను నష్టాన్ని మిగిల్చింది. పేలుడు కారణంగా కర్మాగారంలో పనిచేస్తున్న 17 మంది అక్కడికక్కడే కాలి బూడిదయ్యారు. ఈ ప్రమాదంలో మరో 19 మందికి తీవ్ర గాయాలయ్యాయి. వీరిలో చాలా మంది పరిస్థితి విషమంగా ఉన్నట్లు సమాచారం. దీంతో మృతుల సంఖ్య మరింత పెరగనుందని తెలుస్తోంది. పేలుడు కారణంగా ఎగసిపడుతున్న మంటలు శరవేగంగా విస్తరిస్తున్న క్రమంలో సమీపంలోని గ్రామ ప్రజలను పోలీసులు అక్కడి నుంచి సురక్షిత ప్రాంతాలకు తరలిస్తున్నారు.
