: కొల్లం చేరుకున్న ప్రధాని...ప్రమాద బాధితుల పరామర్శ
ప్రధాని నరేంద్ర మోదీ కేరళలోని కొల్లం చేరుకున్నారు. విమానంలో తిరువనంతపురం చేరుకున్న ప్రధాని, అక్కడి నుంచి ఆర్మీకి సంబంధించిన హెలికాప్టర్ లో కొల్లం వెళ్లారు. అనంతరం అగ్నిప్రమాద బాధితులకు దగ్గరుండి సహాయ సహకారాలు పర్యవేక్షిస్తున్న ముఖ్యమంత్రి ఉమెన్ చాందీని ఆయన కలుసుకున్నారు. ఈ సందర్భంగా అగ్ని ప్రమాద వివరాలను ప్రధానికి ముఖ్యమంత్రి వివరించారు. కాసేపట్లో ఆయన సంఘటనా స్థలిని పరిశీలించనున్నారు. అలాగే ఆసుపత్రుల్లో చికిత్స పొందుతున్న క్షతగాత్రులను పరామర్శించనున్నారు. వారికి ఢిల్లీ నుంచి ప్రధాని వెంట తీసుకెళ్లిన 15 మంది వైద్యుల బృందం సేవలందించనుంది. మృతుల కుటుంబ సభ్యులను ప్రధాని పరామర్శించనున్నారు.
