: అమితాబ్ ను గుర్తించని ఆండ్రూ ఫ్లింటాఫ్... మెత్తగా దెప్పిపొడిచిన కోహ్లీ, జడేజా!
ఆండ్రూ ఫ్లింటాఫ్... సగటు భారతీయ క్రికెట్ అభిమానులందరికీ పరిచితమైన ఇంగ్లండ్ క్రికెటర్. ఫ్లింటాఫ్ ఎన్నోమార్లు దేశాన్ని సందర్శించాడు. ఇక్కడే వారాల తరబడి వున్న సందర్భాలు ఎన్నో ఉన్నాయి. ఇక ఇటీవలి ఆస్ట్రేలియా మ్యాచ్ లో కోహ్లీ అద్భుత పోరాట పటిమను కొనియాడుతూ, బిగ్ బీ అమితాబ్ బచ్చన్ వరుస ట్వీట్లను పెడుతున్న వేళ, వాటికి వస్తున్న స్పందన చూసి... "హూ ఈజ్ దిస్ అమితాబ్" అని ఫ్లింటాఫ్ వ్యాఖ్యానించడం నెటిజన్ల నుంచి విమర్శలను ఎదుర్కొంది. దీంతో వందలాది మంది ఫ్లింటాఫ్ కు సామాజిక మాధ్యమాలే వేదికగా గడ్డి పెట్టగా, అదే జాబితాలో విరాట్ కోహ్లీ కూడా చేరిపోయాడు. "లండన్ లోని మేడమ్ తుస్సాడ్స్ మ్యూజియంను సందర్శిస్తే, ఆయనెవరో తెలుస్తుంది" అంటూ మెత్తగా దెప్పి పొడిచాడు. ఇక జడేజా అయితే, మరో అడుగు ముందుకేసి "ఆయన పేరు షెహన్ షా... బంధుత్వంలో నీ అయ్యలాంటోడు" అన్నాడు. ఫ్లింటాఫ్ ట్వీట్ పై స్పందించిన సునీల్ గవాస్కర్, "ట్విట్టర్ లో అమితాబ్ ను ఫ్లింటాఫ్ గుర్తించలేదు. ఆయన ఖాతాను మారియా షరపోవా నిర్వహిస్తున్నదేమో!" అని వ్యంగ్యాస్త్రాలు విడిచారు.
