: మరో దెబ్బ... వైకాపా నుంచి వెళ్లిపోతున్నా: మీడియాతో ఎమ్మెల్యే వరుపుల
జగన్ పార్టీకి మరో ఎదురుదెబ్బ తగిలింది. జ్యోతుల నెహ్రూ తెలుగుదేశం పార్టీలో చేరుతారన్న వార్తలకు మరింత బలాన్ని చేరుస్తూ, ఆయన అనుచరుడు ప్రత్తిపాడు ఎమ్మెల్యే వరుపుల సుబ్బారావు, తాను పార్టీని వీడుతున్నట్టు వెల్లడించారు. కొద్దిసేపటి క్రితం మీడియాతో మాట్లాడిన ఆయన తెలుగుదేశం నుంచి తనకు ఆహ్వానం అందిందని, ఆపై కార్యకర్తలతో చర్చించి ఈ నిర్ణయం తీసుకున్నానని తెలిపారు. తన నియోజకవర్గాన్ని మరింతగా అభివృద్ధి చేసుకునేందుకే తెదేపాలో చేరుతున్నట్టు సుబ్బారావు ప్రకటించారు. చంద్రబాబు చేపట్టిన అభివృద్ధి పనులకు తన వంతు సహకారాన్ని అందిస్తానని అన్నారు.
