: అంతా ఊహాగానమే... నేను కార్యకర్తలతో మాట్లాడనే లేదు: స్పష్టం చేసిన భూమా
కర్నూలు జిల్లాలో వైకాపా నేత భూమా నాగిరెడ్డి, ఆయన కుమార్తె అఖిల ప్రియ తెలుగుదేశం పార్టీలో చేరుతున్నారని వచ్చిన వార్తలపై భూమా స్పందించారు. కొద్దిసేపటి క్రితం మీడియాతో మాట్లాడిన ఆయన, తానసలు ఏ కార్యకర్తల సమావేశాన్నీ నిర్వహించలేదని, ఎవరితోనూ మాట్లాడటం కానీ, చర్చలు జరపడం కానీ చేయలేదని ఆయన స్పష్టం చేశారు. మీడియాలో వచ్చిన వార్తలు ఊహాగానాలేనని అన్నారు. పార్టీ మారాలనుకుంటే, తాను ధైర్యంగా వెల్లడించగలనని తెలిపారు. భూమా మీడియా సమావేశంపై మరిన్ని వివరాలు తెలియాల్సివుంది.
