: అమెరికా వర్శిటీలో ‘కలాం’ పేరిట ఫెలోషిఫ్
భారత మాజీ రాష్ట్రపతి అబ్దుల్ కలాం పేరిట అమెరికాలోని ఒక యూనివర్శిటీ డాక్టోరియల్ గ్రాంట్స్ ను ఏర్పాటు చేసింది. ఫ్లోరిడాలో ఉన్న యూనివర్సిటీ ఆఫ్ సౌత్ ఫ్లోరిడా(యూఎస్ఎఫ్) ఈ గ్రాంట్స్ కు ‘ఏపీజే అబ్దుల్ కలాం ఫెలోషిప్’ అని పేరు పెట్టింది. ఇందుకోసం రూ.1,03,71,660ల ఫెలోషిప్ ను ఏర్పాటు చేశారు. శాస్త్రసాంకేతిక రంగం, ఇంజినీరింగ్ విభాగాల్లో పీహెచ్ డీ చేయాలనుకునే భారతీయ విద్యార్థులకు ఈ ఫెలోఫిప్ ను యూనివర్శిటీ అందిస్తుంది. ఈ సందర్భంగా యూనివర్శిటీ అధికారులు మాట్లాడుతూ, కలాం పేరిట ఒక ఫెలోషిప్ ను ప్రారంభించడం తమకు గర్వంగా ఉందన్నారు. 2016-17 నుంచి ఈ ఫెలోషిప్ ను పీహెచ్ డీ విద్యార్థులకు అందించనున్నట్లు చెప్పారు. కాగా, 2012లో అబ్దుల్ కలాం ఈ యూనివర్శిటీని సందర్శించారు.
