: నిర్దోషిగా బయటపడ్డ అనంతరం సల్మాన్ భావోద్వేగం!
పదమూడు సంవత్సరాల నాటి కేసు నుంచి విముక్తిని పొందిన అనంతరం బాలీవుడ్ హీరో సల్మాన్ ఖాన్ భావోద్వేగానికి లోనయ్యాడు. మధ్యాహ్నం నుంచి కోర్టు హాల్లో, తన కుటుంబ సభ్యులతో కలసి కూర్చుని ఉన్న సల్మాన్ గంభీరంగా కనిపించాడు. న్యాయమూర్తి తీర్పు వెలువరించిన తరువాత, ఆయన బంధువులు ఒక్కసారిగా చుట్టుముట్టగా, సల్మాన్ కంట కన్నీరు కారింది. తన వారిని పట్టుకుని ఆయన బోరున విలపించాడు. కాగా, సల్మాన్ ఇంకొంతసేపు కోర్టులో ఉండాల్సి వుంది. బెయిలు బాండును క్యాన్సిల్ చేయించే పని ముగిసేవరకూ కోర్టులో ఉంటారని సల్మాన్ తరఫు న్యాయవాది అమిత్ దేశాయ్ వెల్లడించారు.
