: హైదరాబాద్-కోల్ కతా ఫ్లైట్ లో ప్రయాణికుడికి ఛాతీ నొప్పి
ఈరోజు హైదరాబాద్ నుంచి కోల్ కతా వెళ్తున్న ఓ విమానంలో ఓ ప్రయాణికుడికి ఛాతినొప్పి వచ్చింది. దీంతో భువనేశ్వర్ లోని బిజూ పట్నాయక్ అంతర్జాతీయ విమానాశ్రయంలో అత్యవసరంగా విమానాన్ని ల్యాండ్ చేశారు. అస్వస్థతకు గురైన ప్రయాణికుడిని చికిత్స నిమిత్తం భువనేశ్వర్ లోని ఓ ఆస్పత్రికి తరలించినట్లు విమానాశ్రయ అధికారులు తెలిపారు. అస్వస్థతకు గురైన ప్రయాణికుడిని శశి మీనన్ గా గుర్తించారు. ప్రస్తుతం ఆయన పరిస్థితి నిలకడగా ఉన్నట్టు సమాచారం. సుమారు అరగంట సమయం తర్వాత విమానం కోల్ కతాకు బయల్దేరింది.
