: సరికొత్త వైర్ లెస్ చార్జర్
సరికొత్త వైర్ లెస్ చార్జర్ ను కాలిఫోర్నియా యూనివర్శిటీకి చెందిన సాంకేతిక పరిశోధకులు రూపొందించారు. ప్రస్తుతం మార్కెట్ లో లభ్యమవుతున్న చార్జర్లు ఒకే రకం ఫ్రీక్వెన్సీ ఉన్న ఎలక్ట్రానిక్ పరికరాలను మాత్రం చార్జింగ్ చేస్తాయి. ఈ సరికొత్త చార్జర్ ఏకకాలంలో ఏ రెండు ఎలక్ట్రానిక్ పరికరాల్లో నైనా సమర్థవంతంగా పనిచేస్తుందని పరిశోధకులు తెలిపారు. 200 కిలో హెర్ట్జ్ నుంచి 6.78 మెగా హెర్ట్జ్ వరకు వేర్వేరు ఫ్రీక్వెన్సీలతో ఈ కొత్త చార్జర్ పనిచేస్తుంది. తక్కువ సమయంలో చార్జింగ్ చేసేలా దీనిని రూపొందించారు. ఇది రెండు స్మార్ట్ ఫోన్లంత పరిమాణంలో ఉంటుంది. సాధారణ వైర్ లెస్ చార్జింగ్ పరికరాల్లో అయితే ఒక ట్రాన్స్ మీటర్ కాయిల్ ఉంటుంది. కానీ, ఈ చార్జర్ లో 200 కిలో హెర్ట్జ్ నుంచి 6.78 మెగా హెర్ట్జ్ ఉండటం వల్ల, వేర్వేరు స్టాండర్డ్స్ లో ఉన్న పరికరాల్లోనూ కొత్త చార్జర్ సమర్థవంతంగా పనిచేస్తుంది.
