: అలా అనకు విష్ణు...తిరుపతి, యాదగిరిగుట్ట శపిస్తాయి: రాంగోపాల్ వర్మ
దేనికైనా తనదైన శైలిలో భాష్యం చెప్పే దర్శకుడు రాంగోపాల్ వర్మ వినాయక చవితి రోజున ట్వీట్లతో వినాయకుడిపై దండెత్తాడు. చిత్ర విచిత్రమైన కోరికల చిట్టా విప్పిన వర్మ, చివరికి మంచు విష్ణును తగులుకున్నాడు. వినాయక చవితి శుభాకాంక్షలు చెబుతూ తన రహస్య స్నేహితుడు, దీర్ఘకాల అభిమాన దేవుడు అయిన వినాయకుని దీవెనలు అందరికీ అందాలని ఆకాంక్షిస్తూ మంచు విష్ణు ట్వీట్ చేశాడు. ఈ ట్వీట్ పై వర్మ స్పందించాడు. 'విష్ణూ! నీ రహస్య స్నేహితుడు, అభిమాన దేవుడు ఎవరో అందరికీ తెలియనివ్వకు, ఎందుకంటే అలా తెలిస్తే...తిరుపతి, యాదగిరిగుట్ట దేవుళ్లు అసూయపడతారు. నిన్ను శపించినా ఆశ్చర్యపోనక్కర్లేదు' అంటూ ట్వీట్ చేశాడు.
