: ఇక్కడ తగ్గాయి...అక్కడ పెరిగాయి!
దేశ వ్యాప్తంగా పెట్రోలు, డీజిల్ ధరలు తగ్గగా, ఢిల్లీలో మాత్రం ధరలు పెరగడం విశేషం. లీటరు పెట్రోలు, డీజిల్ పై రెండు రూపాయల చొప్పున తగ్గగా, తగ్గిన ధరలు నేటి అర్ధ రాత్రి నుంచి అమలులోకి వస్తాయని అధికారులు తెలిపారు. అలాగే ఢిల్లీలో డీజిల్ పై 16.6 శాతం, పెట్రోల్ పై 25 శాతం వ్యాట్ ను పెంచినట్టు తెలిపారు. దీంతో, ఢిల్లీలో డీజిల్ పై 1.83 పైసలు పెరగగా, పెట్రోలుపై 2.78 పైసలు పెరిగాయని అధికారులు వెల్లడించారు. కాగా, గత కొంత కాలంగా పెట్రోలు, డీజిల్ ధరలు తగ్గించాలని ప్రతిపక్షాలు డిమాండ్ చేస్తున్న సంగతి తెలిసిందే.
