: మోదీని విమర్శించినందుకు ఎస్సీ, ఎస్టీ విద్యార్థుల గ్రూప్ పై మద్రాస్ ఐఐటీ నిషేధం

---

ప్రధాని నరేంద్ర మోదీని, ఆయన విధానాలనూ విమర్శించినందుకు మద్రాస్ ఐఐటీ వివాదాస్పద నిర్ణయం తీసుకుంది. క్యాంపస్ లోని అంబేద్కర్ పెరియార్ స్టూడెంట్ సర్కిల్ (ఏపీఎస్పీ)పై నిషేధం విధిస్తున్నట్టు ప్రకటించింది. అంతకుముందు ఈ గ్రూప్ మోదీకి వ్యతిరేకంగా విద్వేషాలు రెచ్చగొట్టేందుకు ప్రయత్నిస్తోందంటూ, కొందరు విద్యార్థులు కేంద్ర మానవ వనరుల మంత్రిత్వ శాఖకు ఫిర్యాదు చేశారు. దీంతో ఆ శాఖ ఆదేశాల మేరకు ఏపీఎస్పీని బ్యాన్ చేస్తున్నట్టు మద్రాస్ ఐఐటీ డైరెక్టర్ ప్రకటన వెలువరించారు. హిందూ మత సంస్థలు తమపై ఫిర్యాదు చేశాయని ఆరోపిస్తున్న ఏపీఎస్పీ తీవ్ర నిరసన తెలపాలని నిర్ణయించింది. షెడ్యూల్డ్ కులాలు, షెడ్యూల్డ్ తెగల వర్గాలకు చెందిన విద్యార్థులు ఈ స్టూడెంట్స్ గ్రూప్ లో భాగంగా ఉన్నారు.