: భూకంపంతో బీహార్ లో ఇద్దరి మృతి... యూపీలో భవనం నుంచి పరుగు తీసిన ముఖ్యమంత్రి
భూకంప ప్రభావంతో బీహార్ లో ఇద్దరు చనిపోయినట్టు తెలిసింది. భూప్రకంపనల ధాటికి గోడ కూలడంతో వారు మరణించారని అధికారులు చెప్పారు. మరోవైపు ఈ మధ్యాహ్నం సంభవించిన భూకంపం ఉత్తరప్రదేశ్ లోనూ ప్రభావం చూపింది. ఆ సమయంలో యూపీ సీఎం అఖిలేశ్ యాదవ్ లఖన్ పూర్ లో ఓ కార్యక్రమంలో పాల్గొనేందుకు వెళ్లారు. ప్రకంపనలు రావడంతో ఆయన ఉన్న భవనం నుంచి పరుగు తీశారు. అక్కడున్న నేతలూ, అధికారులు, మిగతావారు కూడా బయటికొచ్చేశారు. అటు చెన్నైలో కూడా స్వల్ప భూప్రకంపనలు వచ్చాయి. ప్రజలు భయాందోళనలతో ఇళ్ల నుంచి బయటికి వచ్చారు.
