: ఇవి అలాంటిలాంటి తాటిచెట్లు కాదు...వైఫై తాటిచెట్లు
సాంకేతిక పరిజ్ఞానం అందుబాటులోకి రావడంతో ప్రపంచం కుగ్రామంగా మారిపోయింది. ఇంటర్నెట్ అనుసంధానంతో ప్రయోజనాలు పెరిగిపోవడంతో స్మార్ట్ సేవల పేరిట, ఉచిత వైఫై అందించేందుకు ప్రపంచం ఉత్సాహం చూపుతోంది. దీంతో దుబాయ్ బీచ్ లలో ఈ-తాటిచెట్లు సందడి చేస్తున్నాయి. దుబాయ్ మున్సిపాలిటీకి చెందిన స్మార్ట్ పామ్ సోలార్ టెక్ హచ్ ప్రాజెక్టు ద్వారా బీచ్ లలో ఉచిత వైఫై సౌకర్యం అందుబాటులోకి తీసుకొచ్చింది. తాటి చెట్లను నమూనాగా తీసుకుని రూపొందించిన ఇవి అచ్చం అదే రూపంలో ఉండడం విశేషం. ఈ 'చెట్టు' కేవలం ఆరు మీటర్ల ఎత్తు మాత్రమే ఉంటుంది. ఇది పనిచేయడానికి కావలసిన విద్యుత్తును దీనికి అమర్చిన సోలార్ పవర్ ప్యానెల్స్ ద్వారా తయారు చేసుకుంటుంది. దీనికి 12 ఛార్జింగ్ పాయింట్లు అందుబాటులో ఉంటాయి. దీనికి ఒకేసారి 12 పరికరాలను అనుసంధానం చేసుకుని ఛార్జింగ్ చేసుకోవచ్చు. సో, అలా చార్జింగుతో బాటు వైఫై సౌకర్యం కూడా దీని ద్వారా లభిస్తుంది.
